Oisoiszwoi

Die Schwaben sind einzigartig - die besondere Bedeutung des Volksstammes in und für Europa hat die Europäische Union den Schwaben Gelb auf Blau ins Stammbuch geschrieben. Und zwar in einem Flyer. Das wäre an und für sich nicht der Rede wert, aber den Flyer gibt es in elf Sprachen - von Russisch bis Portugiesisch - und in einem Dialekt, dem schwäbischen eben. Was der Tatsache geschuldet sein könnte, dass die Schwaben alles können: außer Hochdeutsch.

Dr Alass für dr Flaier isch dr Dag vom Euronotruf. Des mit dem Euronotruf kennt ma jetzt falsch verschdanda, obwohl: Skended ja au no dGriecha arufa. Mit der Betonung auf: no. Ma woiß jo net, wia lang dia no derbei send. Also, dr Witz vom heitige Dag isch, heit isch der 11.2. Na, schnaggelts? Der 11.2! Macht ma den Punkt weg, bleibt 112. Ond? Ja, des isch dr europaweite Notruf, von dem koi Sau woiß, dass es den gibt. Koi Sau isch zwar übertrieba, aber dia Zahla schbrächat für sich: Bloß 18 Brozent von de Leut en Deitschland kennet die Nommer, hoißts em Flaier. Ond des isch wahrscheinlich net bloß bei ons so. Deswäga hend sich dia en Brissel was denkt ond den Flaier gmacht für 492 Milliona Europäer - und acht Milliona Schwoba. Den Notruf kamma übrigens seit 20 Johr awähla, weitre Vortoil von dr 112 send:

hot europaweid Geldong,

isch vorwahlfrei,

isch omsonscht,

koschdet nix,

fonktioniert en jedem Händy,

wird au von Leit verschtanda, dia net Schwäbisch kenned ond

gilt en älle 27 EU-Staate - ond natürlich bei ons.

Dr Bergmann Ingo vom Ulmer Europabüro hot no Flaier rond om dia Oisoiszwoi, freilich bloß selle auf Hochdeitsch. Sotte auf Schwäbisch muss er bschdella, dia kommet von Schduargert. Beim Flaier hend oine vom Verein Schwäbische Mundart gholfa. Dr Bergmann isch aber net ondr dr 112, sondern ondr dr 161-1092 zom Kriega.